तदप्रामाण्यमनृतव्याघातपुनरुक्तदोषेभ्यः ।
न; कर्मकर्तृसाधनवैगुण्यात् ।
अभ्युपेत्य कालभेदे दोषवचनात् ।
अनुवादोपपत्तेश्च ।
वाक्यविभागस्य चार्थग्रहणात् ।
विध्यर्थवादानुवादवचनविनियोगात् ।
विधिर्विधायकः ।
स्तुतिर्निन्दा परकृतिः पुराकल्प इत्यर्थवादः ।
विधिविहितस्यानुवचनमनुवादः ।
नानुवादपुनरुक्तयोर्विशेषःशब्दाभ्यासोपपत्तेः ।
शीघ्रतरगमनोपदेशवदभ्यासान्नाविशेषः ।
मन्त्रायुर्वेदप्रामाण्यवच्च तत्प्रामाण्यमाप्तप्रामाण्यात् ।