ऋणक्लेशप्रवृत्त्यनुबन्धादपवर्गाभावः ।
प्रधानशब्दानुपपत्तेर्गुणशब्देनानुवादो निन्दाप्रशंसोपपत्तेः ।
समारोपणादात्मन्यप्रतिषेधः ।
पात्रचयान्तानुपपत्तेश्च फलाभावः ।
सुषुप्तस्य स्वप्नादर्शने क्लेशाभावादपवर्गः ।
न प्रवृत्तिः प्रतिसन्धानाय हीनक्लेशस्य ।
न क्लेशसन्ततेः स्वाभाविकत्वात् ।
प्रागुत्पत्तेरभावानित्यत्ववत् स्वाभाविकेऽप्यनित्यत्वम् ।
अणुश्यामताऽनित्यत्ववद्वा ।
न सङ्कल्पनिमित्तत्वाच्च रागादीनाम् ।