कृष्णसारे सत्युपलम्भाद्व्यतिरिच्य चोपलम्भात् संशयः ।
महदणुग्रहणात् ।
रश्म्यर्थसन्निकर्षविशेषात् तद्ग्रहणम् ।
तदनुपलब्धेरहेतुः ।
नानुमीयमानस्य प्रत्यक्षतोऽनुपलब्धिरभावहेतुः ।
द्रव्यगुणधर्मभेदाच्चोपलब्धिनियमः ।
अनेकद्रव्यसमवायाद्रूपविशेषाच्च रूपोपलब्धिः ।
कर्मकारितश्चेन्द्रियाणां व्यूहः पुरुषार्थतन्त्रः ।
मध्यन्दिनोल्काप्रकाशानुपलब्धिवत्तदनुपलब्धिः ।
न रात्रावप्यनुपलब्धेः ।
बाह्यप्रकाशानुग्रहाद् विषयोपलब्धेरनभिव्यक्तित्तोऽनुपलब्धिः ।
अभिव्यक्तौ चाभिभवात् ।
नक्तञ्चरनयनरश्मिदर्शनाच्च ।
अप्राप्य ग्रहणं काचाभ्रपटलस्फटिकान्तरितोपलब्धः ।
कुड्यान्तरितानुपलब्धेरप्रतिषेधः।
अप्रतीघातात्सन्निकर्षोपपत्तिः ।
आदित्यरश्मेः स्फटिकान्तरितेऽपि दाह्येऽविघातात् ।
नेतरेतरधर्मप्रसङ्गात् ।
आदर्शोदकयोः प्रसादस्वाभाव्याद्रूपोपलब्धिवत्तदुपलब्धिः ।
दृष्टानुमितानां नियोगप्रतिषेधानुपपत्तिः ।