इच्छाद्वेषप्रयत्नसुखदुःखज्ञानान्यात्मनो लिङ्गम् ।
आत्मशरीरेन्द्रियार्थबुद्धिमनःप्रवृत्तिदोषप्रेत्यभावफलदुःखापवर्गास्तु प्रमेयम् ।
चेष्टेन्द्रियार्थाश्रयः शरीरम् ।
घ्राणरसनचक्षुस्त्वक्श्रोत्राणीन्द्रियाणि भूतेभ्यः ।
पृथ्व्यापस्तेजो वायुराकाशमिति भूतानि ।
गन्धरसरूपस्पर्शशब्दाः पृथिव्यादिगुणास्तदर्थाः ।
बुद्धिरुपलब्धिर्ज्ञानमित्यनर्थान्तरम् ।
युगपज्ज्ञानानुत्पत्तिर्मनसो लिङ्गम् ।
प्रवृत्तिर्वाग्बुद्धिशरीराम्भः ।
प्रवर्त्तनालक्षणा दोषाः ।
पुनरुत्पत्तिः प्रेत्यभावः ।
प्रवृत्तिदोषजनितोऽर्थः फलम् ।
बाधनालक्षणं दुःखम् ।
तदत्यन्तविमोक्षोऽपवर्गः ।